АСТАНА. ҚазАқпарат – Қазақстанның жұптық сындағы бірінші, әлемнің 45-ракеткасы Александр Недовесов Умаг (Хорватия) ATP 250 турнирінің ширек финалына шықты, деп хабарлайды ҚазАқпарат тілшісі.
Қазақстандық теннисші эквадорлық Гонсало Эскобармен бірге бастапқы матчын жарыстың 4-ракеткалары, уругвайлық Ариэль Бехар – чехиялық Адам Павлашекпен өткізді.
Бірінші партияда қазақстандық-эквадорлық жұп 6:3 есебімен басым түссе, екіншісінде А.Бехар – А.Павлашек есе қайырды – 6:4.
Супер тай-брейкте А.Недовесов – Г.Эскобар айқын басымдылық танытты – 10:3. Бір сағат 24 минутқа созылған бәсеке барысында олар 4 эйс жасап, 3 брейк-пойнттың біреуін құр жібермеді.
Уругвайлық-чехиялық дуэт те 4 эйс, 1 брейкпен (5 брейк-пойнт) көзге түсті.
Александр Недовесов пен Гонсало Эскобардың ширек финалдағы кейін анықталады.
Еске сала кетейік, бұдан бұрын Анна Данилинаның Гамбург турнирінің жартылай финалына жолдама алғанын жазған болатынбыз.
Сондай-ақ теннистен Президент кубогінде Михаил Кукушкин ширек финалға шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).