АСТАНА. KAZINFORM - Қазақстанның жұптық сындағы бірінші, әлемнің 46-ракеткасы Александр Недовесов Жирона (Испания) челленджер турнирінің финалына жолдама алды.
Қазақстандық теннисші эквадорлық Гонсало Эскобармен бірге жарыстың 1-ракеткалары болып тіркелген еді.
А.Недовесов - Г.Эскобар жартылай финалда доданың 3-ракеткалары, нидерландылықтар Сандер Арендс - Матве Мидделкоппен сынға түсті.
Қазақстандық эквадорлық дуэт 6:3, 1:6, 10:4 есебімен жеңіске жетті. Олар бір сағаттан астам уақытқа созылған бәсеке барысында 1 эйспен, 1 брейкпен (2 брейк-пойнт) көзге түсті. Нидерландылық жұп 3 эйс жасап, 3 брейк-пойнттың екеуін пайдаланды.
Александр Недовесов - Гонсало Эскобар финалда турнирдің 4-ракеткалары, франциялықтар Хонатан Эйссерик - Альбано Оливеттимен бас жүлдені сарапқа салады. Бұлар жартылай финалда жарыстың 2-ракеткалары, Португалия өкілі Кабрал Франциску - ұлыбританиялық Анри
Паттенді жолдан тайдырды - 6:7 (4:7), 7:6 (7:2), 10:6.
Еске сала кетейік, бұдан бұрын Елена Рыбакинаның екінші жыл қатарынан Майами турнирінің финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).