АСТАНА. KAZINFORM — Қазақстанның екінші, әлемнің 106-ракеткасы Александр Шевченко Аделаида (Аустралия) ATP 250 турнирінде негізгі жарысқа өтті.
Қазақстандық теннисші іріктеу сайыстарының финалында әлемнің 79-ракеткасы, аустриялық Филип Мисоличтің меселін қайырды.
Бірінші партияда Шевченко 7:5 есебімен басым түсті. Ол екінші сетті де өз есебіне жазды — 6:3.
Бір сағат 26 минутқа созылған бәсекеде А.Шевченко 6 эйспен бірге 7 брейк-пойнттың үшеуін құр жіберген жоқ. Мисолич 1 брейкпен (3 брейк-пойнт) шектелді.
Осылайша, Александр Шевченко Аделаидада негізгі додаға жолдама алды.
Тағы бір қазақстандық, рейтингіде 221-орындағы Дмитрий Попко Аустралия ашық біріншілігінің
іріктеу додасында өнер көрсетеді. Ол бастапқы кездесуін әлемнің 112-ракеткасы, америкалық Маккензи Макдональдпен өткізеді.
Еске сала кетейік, бұдан бұрын Александр Бубликтің Гонконг турнирінде топ жарғанын жазған едік.
Сондай-ақ Александр Бублик жаңа маусымның сәтті басталғанын айтты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).