АСТАНА. KAZINFORM — Кәсіби теннисшілер қауымдастығы (ATP) жаңартылған рейтингіні жариялады.
Әлемде бұрынғыша италиялық Янник Синнер көш бастаса, германиялық Александр Зверев екінші орынға көтерілді, испаниялық Карлос Алькарас 3-сатыға ығысты.
Қазақстанның бірінші ракеткасы Александр Бублик 78-ден 75-ке, сондай-ақ Александр Шевченко 104-тен 92-ге, Дмитрий Попко 161-ден 155-ке, Михаил Кукушкин 167-ден 162-ге, Тимофей Скатов 179-дан 172-ге жоғарылады.
Жұптық сында Александр Недовесов 100-ден 109-ға төмендесе, А.Бублик 130-дан 129-ға ауысты.
Кезінде әлемдік рейтингіде 45-орынға дейін жеткен А.Шевченко бүгін Мадрид мастерс турнирінде іріктеу сайыстарының жартылай финалында франциялық Гарольд Майомен ойнайды.
Еске сала кетейік, бұдан бұрын Жібек Құламбаеваның Мадрид турнирінің чемпионы атанғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).