АСТАНА. KAZINFORM — Қазақстанның екінші, әлемнің 111-ракеткасы Александр Шевченко Цзинань (Қытай) челленджер турнирінің екінші айналымына шықты.
Қазақстандық теннисші алғашқы айналымда әлемнің 61-інші, осы жарыстың 1-ракеткасы, сербиялық Миомир Кецмановичпен бетпе-бет келді.
А.Шевченко екі партияда 6:3, 6:4 есебімен жеңіске жетті.
Бір сағаттан сәл астам уақытқа созылған бәсекеде Шевченко 5 эйспен бірге 3 брейк-пойнттан шашау шығарған жоқ. Кецманович 1 эйс, 1 брейкпен (2 брейк-пойнт) шектелді.
Александр Шевченко ширек финалға шығу үшін әлемнің 260-ракеткасы, жапониялық Джей Дилан Хара Френдпен таласады. Ол рейтингіде 525-орындағы ресейлік Алибек Качмазовты камбэкпен тізе бүктірді — 6:7 (4:7), 7:5, 6:3.
Еске сала кетейік, бұдан бұрын Юлия Путинцеваның Қытайдағы турнирде негізгі кезеңге өткенін жазған едік.
Шанхай мастерс турнирінде Александр Бублик қарсыласын камбэкпен жеңді.
Елена Рыбакина әлемдік рейтингіде көшбасшылық орнын сақтап қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).