АСТАНА. KAZINFORM – Қазақстанның екінші, әлемнің 76-ракеткасы Александр Шевченко Монте-Карло мастерс турнирі іріктеу сайысын жеңіспен тәмамдады.
Александр Шевченко іріктеу сайысының финалында әлемнің 80-ракеткасы, испаниялық Роберто Баутиста-Агутпен шеберлік байқасты.
Бірінші партияда тай-брейкте Шевченко басымдық танытты - 7;6 (7:3). Оның екінші сетте де мерейі үстем болды - 7:6 (7:4).
Екі сағат 14 минутқа созылған тартысты бәсекеде Шевченко 11 эйспен бірге 6 брейк-пойнттың төртеуін мүлт жіберген жоқ. Испаниялық теннисші 1 эйс, 4 брейкпен (10 брейк-пойнт) көзге түсті.
Осылайша, Александр Шевченко негізгі жарысқа жолдама алды.
Еске сала кетейік, бұдан бұрын Жібек Құламбаеваның Үндістандағы тағы бір турнирде топ жарғанын жазған болатынбыз.
Александр Шевченко Монте-Карло мастерс турнирінде алғашқы жеңісіне қол жеткізді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).