АСТАНА. KAZINFORM — Қазақстандық теннисші, әлемнің 97-ракеткасы Александр Шевченко Рим мастерс турнирінде іріктеу сайыстарының финалына шықты.
Қазақстандық спортшы іріктеу сайыстарының жартылай финалында дүниежүзілік рейтингіде 152-орында тұрған аргентиналық Хуан Пабло Фиковичпен сынға түсті.
А.Шевченко 6:4, 6:4 есебімен жеңіске жетті.
Бір сағат 42 минутқа созылған бәсеке барысында Шевченко 2 эйспен бірге 10 брейк-пойнттың төртеуін пайдаланды. Фикович 1 эйс, 2 брейкпен (5 брейк-пойнт) шектелді.
Александр Шевченко іріктеудің финалында әлемнің 134-ракеткасы, Мажарстан өкілі Мартон Фучовичпен кездеседі. Оны ұтса, негізгі жарысқа жолдама алады.
М.Фучович рейтингіде 440-сатыдағы италиялық Стефано Наполитаноны қапы қалдырды — 6:2, 6:3.
Еске сала кетейік, бұдан бұрын 17 жастағы Әмір Омархановтың әлемдік рейтингіде бірден 32 сатыға жоғарылағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).