АСТАНА. KAZINFORM — Қазақстанның екінші, әлемнің 97-ракеткасы Александр Шевченко Рим мастерс турнирінің іріктеу сайысын сәтті бітірді.
Қазақстандық теннисші іріктеу сынының финалында дүниежүзілік рейтингіде 134-орында тұрған мажарстандық Мартон Фучовичпен шеберлік байқасты.
А.Шевченко 6:4, 6:2 есебімен екі сетте жеңіске жетті.
Бір сағат 24 минутқа созылған бәсеке барысында Шевченко 3 эйспен бірге 5 брейк-пойнттың үшеуін пайдаланды.
Александр Шевченконың негізгі жарыстағы қарсыласы кейін белгілі болады.
Еске сала кетейік, бұдан бұрын қазақстандық теннисшілердің Рим мастерс жарысындағы қарсыластары анықталғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).