АСТАНА. KAZINFORM — Қазақстанның екінші, әлемнің 107-ракеткасы Александр Шевченко Стокгольм (Швеция) ATP 250 турнирінің іріктеу сайысын жеңіспен түйіндеді.
Қазақстандық теннисші іріктеу сайысының финалында әлемнің 90-ракеткасы, ұлыбританиялық Джейкоб Фирнлиге қарсы келді.
Кездесуде А.Шевченко 6:2, 6:4 есебімен жеңіске жетті.
Бір сағат 15 минутқа созылған бәсеке барысында Шевченко 4 эйс жасап, 3 брейк-пойнттан шашау шығарған жоқ. Фирнли 3 эйспен шектелді.
Осылайша, негізгі жарысқа жолдама алған Александр Шевченко келесі қарсыласы кейін анықталады.
Қазақстандық спортшы сәтті өнер көрсетуін жалғастырса, әлемдік рейтингідегі жағдайын жақсарта алады.
Стокгольм турнирі 9-15 қараша аралығында өтеді.
Еске сала кетейік, бұдан бұрын Александр Шевченконың Швециядағы турнирде қарсыласын айқын басымдылықпен ұтқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).