НҰР-СҰЛТАН. ҚазАқпарат – Олимпиада чемпионы, Қазақстан велоспорт федерациясының вице-президенті, «Astana Qazaqstan Team» бас менеджері Александр Винокуров Душанбеде шосседегі велоспорттан өтіп жатқан Азия чемпионатында алтын алған еліміздің ерлер құрамасының табысын жоғары бағалады, деп хабарлайды ҚазАқпарат тілшісі.
Қазақстан велоспорт федерациясы мәлім еткеніндей, құрама сапында Евгений Федоров, Игорь Чжан, Юрий Натаров, Евгений Гидичтер өнер көрсеткен болатын.
«Жігіттер үмітті ақтады. Біздің спорттық директорымыз Александр Шефердің басшылығымен командалық жарыста қашықтықты сәтті өтіп шықты. Бүкіл құрама жоғары деңгейде өнер көрсетті, нәтижесі – алтын медаль. Құраманы құттықтаймын, алдағы сындарда да сәттілік тілеймін», деді А.Винокуров.
Еске сала кетейік, велоспорттан Қазақстан ерлер құрамасының Азия чемпионы болғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).