Алексей Луценко «Гечо шеңбері» велобәйгесінде чемпион атанды
АСТАНА. ҚазАқпарат - Испанияда өткен «Гечо шеңбері» бір күндік велобәйгесінде қазақстандық Алексей Луценко мәре сызығын бірінші болып қиды, деп хабарлайды ҚазАқпарат тілшісі.
Фото: astana-qazaqstan.com
Ол қазақстандық «Астана» велоклубының намысын қорғайды.
Жарыс барысында екінші орын франциялық Тони Галлопенге бұйырса, үшінші орынға «Астананың» тағы бір өкілі итальяндық Симоне Веласко ие болды.
Қазақстандық велоклуб намысын қорғап жүрген Евгений Федоров - 20, Нұрберген Нұрлықасым - 55. Фабио Феллине, Леонардо Бассо және Хавьер Ромо мәре сызығына жете алған жоқ.
Еске салсақ, бұдан бұрын Александр Винокуров Глазгода өткен әлем чемпионатында жеңіске жетті.
Ол қазір Аstana Qazaqstan Team велокомандасының бас менеджері қызметін атқарады. Глазгода өткен әлем чемпионатында 50 жастан жоғарылар арасында алтын медаль жеңіп алды.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.