АСТАНА. KAZINFORM - Бүгін, 11 наурызда Сербияның Ниш қаласында өтіп жатқан әйелдер арасындағы әлем чемпионатының үшінші жарыс күнінде Аида Әбікеева (63 келі) жарысты жалғастыруға мүмкіндік алды.
Қазақстандық боксшы 1/8 финалда Шуою Чжаомен кездесті. Нәтижесінде ол қарсыласын 5:0 есебімен тізе бүктіріп, ширек финалға шықты.
Енді ел құрамасынан кешкі сессияда Жасмин Қизатова (66 келі), Гүлсая Ержан (81 келі), Жайна Шекербекова (54 келі) шаршы алаңға шығады.
Ал бұдан бұрын Алуа Балқыбекова (50 келі), Виктория Графеева (60 келі) 1/4 финалға жолдама алды.
Ал Елдана Тәліпова (81 келіден жоғары) 13 наурыз күні сербиялық Сара Милковичпен шаршы алаңға шығады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.