АСТАНА. KAZINFORM — Бүгін, 10 наурызда Сербияның Ниш қаласында әйелдер арасындағы әлем чемпионатының екінші жарыс күнінде Анита Адишева (52 келі) жарыс жолын аяқтады. Қазақстандық боксшы 1/16 финалда/мексикалық Патино Хуарезбен қолғап түйістірді. Жекпе-жек барысынла ол қарсыласына есе жіберді.
Сондай-ақ бүгін 1/16 финалда Жайна Шекербекованың (54 келі) қарсыласы — колумбиялық Бекера Монтесинос жекпе жектен бас тартқаны белгілі болды. Нәтижесінде ол 1/8 финалға өтті.
Айта кетсек, 9 наурызда ел құрамасынан Алуа Балқыбекова (50 келі) 1/16, Елдана Талипова (81 келіден жоғары) 1/8 финалда Елдана Талипова қарсыластарын тізе бүктіріп, жарысты жалғастыруға мүмкіндік алды.
Сондай-ақ ел құрамасынан дүбірлі додада Назым Қызайбай (48 келі), Карина Ибрагимова (57 келі), Виктория Графеева (60 келі), Аида Әбікеева (63 келі), Жасмин Қизатова (66 келі), Наталья Богданова (70 келі), Надежда Рябец (75 келі), Гүлсая Ержан (81 келі) сынға түседі.
Әлем чемпионатында 9-13 наурыз аралығында іріктеу айналымы өтсе, жартылай финал 14 наурызға белгіленген. Ал финал 16 наурызда болады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.