АСТАНА. KAZINFORM — Бүгін, 11 наурызда Гүлсая Ержан (81 келі) әйелдер арасындағы әлем чемпионатының 1/8 финалынан аса алған жоқ.
Сербияның Ниш қаласында өтіп жатқан дүбірлі додада ол 1/8 финалда қытайлық Ван Сяоменмен жекпе-жекке шықты. Нәтижесінде қарсыласына 0:5 есебімен есе жіберді.
Бұған дейін ел құрамасынан Анита Адишева (52 келі) 1/16 финалда сүрінген еді.
Айта кетсек, бұдан бұрын Алуа Балқыбекова (50 келі), Виктория Графеева (60 келі), Аида Әбікеева (63 келі), Жайна Шекербекова (54 келі), Жасмин Қизатова (66 келі) ¼ финалға жолдама алды.
Енді Елдана Тәліпова (81 келіден жоғары) 13 наурыз күні сербиялық Сара Милковичпен шаршы алаңға шығады.
Алдағы күндері Назым Қызайбай (48 келі), Карина Ибрагимова (57 келі), Наталья Богданова (70 келі), Надежда Рябец (75 келі) сынға түседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.