АСТАНА. KAZINFORM - Шайбалы хоккейден Қазақстан әйелдер құрамасы әлем чемпионаты IIA дивизионында үшінші мәрте жеңіліп қалды.
Қазақстандық хоккейшілер төртінші ойында Латвиямен шеберлік байқасты.
Кездесу барысында олардың қатарынан Мунира Саяхатқызы 26, Мәдина Тұрсынова 29, София Зубкова 31-минутта үш гол соқты. Оған латвиялық хоккейшілер жеті шайбамен жауап берді.
Ел құрамасы қарсыласына 3:7 есебімен есе жіберді.
Қазірге дейін Италия (0:2) мен Ұлыбританиядан (0:2) жеңіліп қалса, Оңтүстік Кореядан (4:2) басым түсті.
Төрт турдан кейін Италия -12, Латвия - 9, Оңтүстік Корея - 5, Ұлыбритания - 4, Қазақстан - 3 ұпай еншіледі. Әзірге Словенияның қоржыны бос.
Енді қазақстандық хоккейшілер 15 сәуірде Словениямен мұзайдынға шығады.
Ел құрамасы әлем чемпионаты IA дивизионында 2005, 2007, 2009, 2024 жылдарда бақ сынаған еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.