АСТАНА. KAZINFORM - Латвия астанасы Рига қаласында өтіп жатқан шайбалы хоккейден жасөспірім қыздар арасындағы әлем чемпионатында Қазақстан құрамасы Тайваньнан басым түсті.
Кездесу барысында ел құрамасынан София Зубкова 1, 18, Cофия Муравьева 12, 26, 55, Алена Жакулина 14-минутта мергендік танытты.
Осылайша қазақстандық хоккейшілер қарсыласынан 6:0 есебімен басым түсті.
Екі құрама қазірге дейін екі мәрте кездесті. 2020 жылы Тайвань 4:3 есебімен жеңсе, 2019 жылы Қазақстан 3:1 есебімен басым түсті.
Еске салсақ, биыл әлем чемпионатында бұған дейін қазақстандық хоккейшілер Ұлыбританияға 1:3 есебімен есе жіберсе, Жаңа Зеландияны 14:3 есебімен тізе бүктірді.
Енді қазақстандық хоккейшілер 25 қаңтарда Нидерланд, 26 қаңтарда Латвиямен кездеседі.
Еске салсақ, бұдан бұрын Қысқы Азиядада шайбалы хоккейден Қазақстан құрамасының ойын кестесі белгілі болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.