АСТАНА. KAZINFORM - Англияның Ливерпуль қаласында World Boxing аясында өтіп жатқан әлем чемпионатында бүгін, 7 қыркүйекте ел құрамасынан Карина Ибрагимова (57 келі) жарысты жалғастыруға мүмкіндік алды.
Қазақстандық боксшы англиялық Элис Глинмен қолғап түйістірді. Жекпе-жек барысында қарсыласын сенімді түрде жеңді. Оның ендігі қарсыласы - польшалық Юлья Шеремета.
Ел құрамасынан бүгін Махмұд Сабырхан (55 келі), Нұрбек Оралбай (80 келі) жарысты жалғастыруға мүмкіндік алды.
Сондай-ақ енді ел құрамасынан Наталья Богданова (70 келі), Ертуған Зейнулинов (65 келі) алғашқы жекпе-жегін өткізеді.
Дүбірлі дода 4-14 қыркүйек аралығында өткізіледі. Жекпе-жектер «Qazaqstan» және «Qazsport» телеарналарынан тікелей эфирде көрсетіледі.
Әлемнің әр қиырынан келген боксшылар 4-10 қыркүйек аралығында іріктеу кезеңінде сайысқа түседі. Ал 12-13 қыркүйекте жартылай болса, 13-14 қыркүйекте финалдық бәсекелер өтеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.