АСТАНА. KAZINFORM — Футболдан 2026 жылғы әлем чемпионаты іріктеу кезеңіндегі Қазақстан мен Лихтенштейн кездесуінде польшалық төрешілер бригадасы қызмет атқарадыКездесу 10 қазан күні 19:00–де басталып, «Qazsport» телеарнасынан тікелей эфирде көрсетіледі.
Бас төреші міндетін Павел Рачковски атқарса, оған Марцин Бонек пен Бартош Хейниг көмектеседі. Төртінші төреші де сол елдің өкілі Патрик Грицкевич.
Еске салсақ, қазірге дейін қазақстандық футболшылар Бельгия (0:6), Уэльс (1:3, 0:1) пен Солтүстік Македония (0:1) құрамаларынан жеңіліп, Лихтенштейннен (2:0) басым түсті.
Айта кетсек, футболдан Лихтенштейн құрамасы Қазақстанның УЕФА аясындағы 48-інші қарсыласы болды.
Әзірге қазақстандық футболшылар Гибралтар, Израиль, Испания, Италия, Косово, Лихтенштейн және Швейцариямен кездесе алған жоқ.
Қазақстандық футболшылар аталған ұйым аясында 2002 жылдың 25 сәуірінен бастап ойын көрсетіп келеді. Олар Әлем және Еуропа чемпионаттары, Ұлттар лигасы турнирлерінде бақ сынады.
Еске салсақ, футболдан 21 жасқа дейінгі Қазақстан жастар құрамасы 2027 жылғы Еуропа чемпионатының іріктеу кезеңі аясында Андоррадан жеңіліп қалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.