Әлем чемпионаты: Шайбалы хоккейден Қазақстан жастар құрамасы Венгриядан басым түсті

Шайбалы хоккейден 20 жасқа дейінгі Қазақстан жастар құрамасы әлем чемпионатындағы алғашқы ойынында Венгриядан басым түсті, деп хабарлайды Kazinform.

Әлем чемпионаты бірінші дивизионында сынға түсіп жатқан қазақстандық хоккейшілер венгриялық қарсыластарын 5:2 есебімен тізе бүктірді.

Олардың қатарынан Дәулет Нүркенов, Егор Смольянинов, Артем Авдеенко бір мәрте мергендік танытса, Всеволод Логвин екі шайбаны авторы атанды.

Венгрия - Қазақстан - 2:5 (1:2, 1:0, 0:3)
0:1 – 03:36 - Нүркенов (Оразов, Ким)
0:2 – 12:14 - Смольянинов (Ермак, Оспанов)
1:2 – 13:26 - Михалик (Добош)
2:2 – 38:16 - Добош (Хизл, Байко)
2:3 - 48:47 - Авдеенко (Нүркенов)
2:4 – 52:40 - Логвин (Хан, Ермак)
2:5 – 57:13 - Логвин
Қақпашылар: Хегедюш - Никитин

Енді қазақстандық хоккейшілер ертең Астана уақытымен 21:00-де Даниямен ойнайды.

Қазақстан жастар құрамасы элиталық дивизионда сегіз мәрте бақ сынады. Жоғары жетістігі – 1999 жылы алған алтыншы орын.

Еске салсақ, бұдан бұрын қазақстандық жастар жолдастық кездесуде Венгрия және Франция құрамаларынан басым түсті.