АСТАНА. KAZINFORM — Мажарстан астанасы Будапештте өтетін дзюдодан Әлем чемпионатында Қазақстан құрамасының балуандары қай күндері сынға түсетіні белгілі болды.
Жарыстың алғашқы күні, 13 маусымда ел құрамасынан Әбиба Әбужақынва (48 келі), Ғалия тынбаева (48 келі), шерзад Давлетов (60 келі), Мағжан Шамшадин (60 келі) татамиге шығады.
Ал 14 маусымда Ғұсман Қырғызбаев (66 келі) ел намысын қорғаса, 15 маусымда Есет Қуанов (72 келі), 16 маусымда Эсмигүл Куюлова (63 келі), Абылайхан Жұбаназар (81 келі), 17 маусымда Мейірлан Максим (90 келі) сайысқа түседі.
Сондай-ақ 18 маусымда Нұрлыхан Шархан (10 келі) және Марат Байкамуров (10 келі), 19 маусымда Ерасыл Қажыбаев (100 келіден жоғары) жүлдені сарапқа салады.
Дзюдодан әлем чемпионаты 13-20 маусым аралығында өтеді. Қазақстан сапынан елдің үздік 12 дзюдошысы бақ сынайды.
Дүбірлі додада 92 елден келген 566 спортшы 14 салмақта жүлдеге таласады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.