АСТАНА. ҚазАқпарат - Түркияның Ыстанбұл қаласында күрес түрлерінен өтіп жатқан 17 жасқа дейінгі жасөспірімдер арасындағы әлем чемпионатында еркін күрестен Едіге Қасымбек (110 келі) күміс медаль еншіледі, деп хабарлайды ҚазАқпарат тілшісі.
Бұл - қазақстандық балуандардың әлем чемпионатындағы алғашқы жүлдесі.
Сондай-ақ, ел құрамасынан Нұрмұхамед Тұрдалы (45 келі), Нұрдәулет Сейілбеков (71 келі) және Самир Дурсунов (92 келі) жұбаныш белдесулерінде бағын сынайды.
Еске салсақ, әлем чемпионатында грек-рим, әйелдер және еркін күрестен жүлделер сарапқа салынды.
«Өткен жылы Италияда әлем чемпионатында еркін күрес балуандары Дарын Әскербек (ШҚО) пен Камиль Куруглиев (Маңғыстау облысы) алтын жүлде алса, грек-рим күресінен Юсуп Ашрапов (Жамбыл облысы) пен Арсен Жұма (Ақтөбе облысы) қола жүлдені қанжығаға байлаған болатын», - деді Қазақстан күрес федерациясының баспасөз хатшысы спандияр Есенжолов.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.