АСТАНА. ҚазАқпарат - Жапонияда өтіп жатқан су добынан әлем чемпионатында Қазақстан әйелдер құрамасы Аргентинадан басым түсті, деп хабарлайды ҚазАқпарат тілшісі.
Ел құрамасы 15-орын үшін сайыста Аргентинаны 10:8 есебімен тізе бүктірді.
Олар В тобында Испаниядан 5:24, Нидерландтан 2:30, Израильдан 6:17 есебімен жеңілсе, жарыстың келесі сатысында Қытайға 8:16 есебімен жол берді.
Одан кейін плей-офф сатысында Қытайға 8:16 есебімен жол берген еді.
Ал ерлер құрамасы 13-орын үшін сайыста Аргентинаға 7:11 есебімен жеңіліп қалды.
Олар А тобында АҚШ-тан 5:18, Австралиядан 6:22, Грекиядан 2:18 есебімен жеңіліп, төртінші орынды місе тұтты.
Одан кейін 13-16 орындар үшін сайыста Қытайды 5:12 есебімен тізе бүктірді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.