Lenta.ru-дың хабарлауынша, зерттеудің нәтижесінде бразилиялықтардың ұлттық музыкалық аспабы үнінің вувузелаға қарағанда 45 децибелге тыныш екені белгілі болды. Ғалымдар каширола ұстаған жанкүйерлерге толы стадионның үшөлшемді компьютерлік моделін жасап, аспаптың әр жерден жарыса шығатын даусының есту қабілетіне қалай әсер ететінін және бір тексерді. Дыбыс қаттылығы құлаққа зиянын тигізбейтін болып шықты. 2010 жылғы әлем чемпионаты кезінде оңтүстікафрикалық вувузела аспабының даусына қатысты көп шағым айтылған еді. Бұдан соң оны футбол сайыстарында қолдануға тыйым салынды. Биыл Бразилия билігі жанкүйерлерге вувузела орнына каширола аспабын қолдануды ұсынды. Вувузела ысқырық болса, каширола - соқпалы сыңғырлақ аспап. Әлем чемпионаты бұл елде келер жылы 12 маусым мен 13 шілде аралығында өтеді.