АСТАНА. KAZINFORM — Астанада өтіп жатқан World Boxing аясындағы әлем кубогында қазақстандық Надежда Рябец (75 келі) жарыс жолын жалғастырады.
Қазақстандық былғары қолғап шебері Панамерика ойындарының чемпионы, бразилиялық Вивиана Дос Сантос Перейрамен жекпе-жек өткізді. Қос боксшы бұған дейін 2021 жылы «Странджа» турнирінде жұдырықтасқан. Нәтижесінде Надежда екінші рет бразиялық Вивиана Дос Сантос Перейрадан басым түсті.
Бразилиялық боксшы отандасымыздың қарқынына төтеп бере алмады. Есеп 4:1.
Қазірге дейін әйелдерде Анель Сакыш (54 келі) өзбекстандық Феруза Казаковаға есе жіберіп, жарыс жолынан шығып қалды.
Сондай-ақ енді ел құрамасынан Серік Теміржанов (60 келіі), Айбек Оралбай (90 келіден жоғары) шаршы алаңға шығады.
Еске салсақ, 30 маусымда Виктория Графеева (60 келі), Наталья Богданова (70 келі), бұрын Назым Қызайбай (48 келі), Нұрбек Оралбай (80 келі), Махмұд Сабырхан (55 келі) қарсыластарын қапы қалдырды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.