АСТАНА. KAZINFORM — Астанада өтіп жатқан World Boxing аясындағы бокстан әлем кубогында қазақстандық Серік Теміржанов (60 келі) ширек финалға шықты.
Жекпе-жек барысында ол қарсыласынан 4:1 есебімен басым түсті.
Оның қарсыласы аустралиялық Якоб Кассар. Якоб Кассар 19 жасқа дейінгі әлем чемпионатының қола жүлдегері.
Ал Серік Теміржанов 2021 жылғы Әлем чемпионатының күміс жүлдегері. 2022 Азия чемпионатында да күміс жүлдеге ие болған.
Қазірге дейін әйелдерде Анель Сакыш (54 келі) өзбекстандық Феруза Казаковаға есе жіберіп, жарыс жолынан шығып қалды.
Сондай-ақ енді ел құрамасынан Серік Теміржанов (60 келі), Айбек Оралбай (90 келіден жоғары) шаршы алаңға шығады.
Еске салсақ, 30 маусымда Виктория Графеева (60 келі), Наталья Богданова (70 келі), Назым Қызайбай (48 келі), Нұрбек Оралбай (80 келі), Махмұд Сабырхан (55 келі), Надежда Рябец (75 келі) қарсыластарын қапы қалдырды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.