АСТАНА. ҚазАқпарат - Қазақстандық фристайлшы Дмитрий Рейхерд Жапонияның Тадзавако қаласында өтіп жатқан әлем кубогының кезеңінде екінші қола жүлдесіне қол жеткізді, деп хабарлайды ҚазАқпарат ҚР ҰОК сайтына сілтеме жасап.
Отандасымыз параллельді могулдың кіші финалында франциялық Бенжамин Чаведан басым түсті (29:6).
Аталған сайыста бас жүлдені жапониялық Икума Хорисими жеңіп алса, екінші орынды канадалық Майкл Кингсберри қанжығасына байлады.
Тағы бір отандасымыз Павел Колмаков болса бірінші айналымда жапониялық Шо Эндодан жеңіліп қалды (16:19).
Әйелдер арасындағы сайыста Пхенчхан Олимпиадасының қола жүлдегері Юлия Галышева ширек финалда тағы жапониялық Хирако Томитакоға есе жіберіп қойды - 15:20.
Естеріңізге сала кетсек, кеше Дмитрий Рейхерд ерлер арасындағы могул сайысында қола жүлдегер атанған болатын.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.