Әлемдегі коронавирус: Жапония, Франция және Ливанда не болып жатыр
Жапонияның төрт префектурасы коронавирустың өршуіне байланысты төтенше жағдай жариялайды. Бұған дейін Токиодағы төтенше жағдай режимі 31 тамызға дейін ұзартылған болатын. Елде инфекция таралу көрсеткіші Олимпиада ойындары басталысымен күрт өсті.
Парижде вакцинация мен санитариялық өткізу құжаттарына қарсы демонстрацияға қатысушыларға көзден жас ағызатын газ қолданылды. Тәртіп сақшылары жиналғандарға тосқауыл қоюға тырысты, ішінара қақтығыс болды, полиция шерудің арты тәртіпсіздік ұласуынан қауіптеніп отыр.
Ливандағы мейрамханалар мен жағажайлар 2 тамыздан бастап тек вакцинацияланған адамдарды қабылдайды. Жаңа ереже 16 жастан асқан барлық азаматтарға қолданылады. Сондай-ақ, 2 тамыздан бастап туристік саланың барлық қызметкерлері жұмысқа тек QR код көрсету арқылы шығады.