Әлемдік экономикаға қауіп төніп тұр - Халықаралық валюта қоры

НҰР-СҰЛТАН. ҚазАқпарат - Халықаралық валюта қоры «Әлемдік экономиканың даму преспективалары» атты жыл сайынғы баяндамасын жариялады.

ВВС басылымының хабарлауынша, Қордың бас экономисі Гита Гопинатх әлемдік экономика қиын кезеңдерге тап болғанын және оған қауіп төніп тұрғанын айтқан.

«Әлемдік экономиканы төмен тартатын қауіп өте көп», дейді бас экономист.

Дегенмен, баяндамада биыл экономика 3,3%-ға, 2020 жылы 3,6%-ға өсетіні айтылған.

«Былтырғы жылмен салыстырғанда биылғы даму жылдамдығы тым баяу. Әсіресе, АҚШ, Ұлыбритания және Еуроодақ экономикасы төмен құлдырайды. Германия мен Италия экономикалық рецессия уақытына жетті. Сондай-ақ латын Америкасы, Таяу Шығыс пен Солтүстік Америкада да экономика төмендейді», деп жазады басылым.

Бас экономистің айтуынша, әлемдік саудада шиеленіс артып, аумағы кеңейеді. Сонымен қатар Brexit те экономикаға кесірін тигізетін болады.