Панельдік сессия қатысушылары автомобиль және темір жолдарын дамыту, көліктік инфрақұрылым саласында концессиялық жобаларды жүзеге асыру тетіктері мен инвестиция тарту мәселелерін талқыға салады. Сондай-ақ, Қазақстанның азаматтық авиациясы мен су көлігі саласын дамыту, республиканың логистикалық және транзиттік даму мүмкіндіктері сөз болады.
«Сессия жұмысына ҚР Премьер-Министрінің бірінші орынбасары - Өңірлік даму министрі Бақытжан Сағынтаев, ҚР Көлік және коммуникация министрі Асқар Жұмағалиев, БҰҰ-ның Еуропа елдері бойынша экономикалық комиссиясының атқарушы хатшысы Свен Алкалай, Түркі кеңесінің Бас хатшысы Халил Акынджы, «Қазақстан Темір жолы» ҰК» АҚ-ның президенті Асқар Мамин және саланың басқа да өкілдері қатысады»,-делінген ҚР ККМ баспасөз қызметінің хабарламасында.