АСТАНА. ҚазАқпарат - Әйелдер теннис қауымдастығы (WTA) жаңартылған рейтингіні жария етті, деп хабарлайды ҚазАқпарат тілшісі.
Қазақстанның үздік теннисшісі Елена Рыбакина үшінші орнын сақтап қалды.
Әлемдік рейтингіде бұрынғыша Польша өкілі Ига Швентек көш бастаса, белоруссиялық Арина Соболенко екінші орында.
Осы аптада Елена Рыбакина Берлин WTA 500 турнирінде бақ сынайды.
Тағы бір қазақстандық Юлия Путинцева 51-ден 50-сатыға көтерілді.
Жұптық сында Анна Данилина 24-орнында қалды.
Еске сала кетейік, бұдан бұрын қазақстандық теннисшінің Ирандағы жарыстың жеңімпазы атанғанын жазған болатынбыз.
Сондай-ақ Бейбіт Жұқаев Пуэрто-Рикодағы турнирдің финалына шыға алмады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).