Әлемдік және дәстүрлі діндер басшыларының ІІІ съезіне құттықтау хаттары келіп түсуде
деп хабарлайды ҚазАқпарат.
Әлемдік және дәстүрлі діндер басшыларының ІІІ съезі Хатшылығының басшысы, ҚР Парламенті Сенатының Төрағасы Қасым-Жомарт Тоқаевтың айтуынша, осы уақытқа дейін Мәскеу Патриархы Кирилл, барлық армяндардың Патриархы мен католикосы ІІ Гаригин, Ислам конференциясы ұйымының Бас хатшысы Экмеледин Иксаноғли, Малайзияның бұрынғы премьер-министрі, 2006 жылғы съездің қатысушысы Мухаммад Мохатхир, БҰҰ-ның Өркениеттер альянсы жөніндегі Бас хатшысы Жоржо Санпайо, Нью-Йорктің Бас раввині Артур Шнайер және тағы басқалар съезд жұмысына сәттілік тілеп, құттықтауларын жолдады.
«Еліміздің азаматтары мен қоғамдық ұйымдарынан, сондай-ақ шет елдердегі діни және халықаралық ұйымдардың атынан құттықтау хаттары әлі де толассыз келіп жатыр», - деді Қ. Тоқаев.