Әлеуметтік сақтандыру қоры медицина ұйымдарына 630 млрд теңге төледі

НҰР-СҰЛТАН. ҚазАқпарат – «Әлеуметтік медициналық сақтандыру қоры» коммерциялық емес акционерлік қоғамы жыл басынан бері мемлекеттік тапсырыс бойынша көрсетілген қызметтер үшін 630 млрд теңге төледі. Қаржы кепілдендірілген тегін медициналық көмек топтамасы аясында бөлінді, деп хабарлайды ҚазАқпарат тілшісі аталған қордың баспасөз қызметіне сілтеме жасап.

«2019 жылы 19 тамызындағы мәліметтер бойынша, қормен келісімшарт бекіткен жеткізушікомпанияларға 630 млрд теңге төленді. Бұл кепілдендірілген медициналық көмектоптамасы аясында бекітілген келісімшарттардың жалпы сомасының 71 пайызы», -деді ӘМСҚ басқарма төрағасының орынбасары Ботагөз Жақселекова.

2019 жылы ӘМСҚ кепілдендірілген көмек түрлерін көрсетугеқұлшыныс білдірген медицина ұйымдарымен 889 млрд теңгенің келісімшартынбекіткен болатын. Бұл өткен жылы бөлінген қаржыдан 6 пайыз артық.

«Жұмыс кестеге сайжүріп жатыр», - деді Ботагөз Жақселекова.

Биыл мемлекеттік тапсырысты орындауға 1416 медицина ұйымыатсалысып жатыр. Оның ішінде 708 жеке меншік клиника да бар. Биыл олардың саны2018 жылмен салыстырғанда 64-ке артқан.

Мемлекеттен тапсырыс алған жеке меншік клиникалар саныжағынан Шымкент, Нұр-Сұлтан, Алматы қалалары мен Қызылорда және Жамбылоблыстары көш бастап тұр.