АЛМАТЫ. KAZINFORM – Алматы халықаралық әуежайы қолайсыз ауа райына байланысты (жаңбыр, дауыл, 30 м/с дейін екпінді жел) рейстердің кешігіп жатқанын хабарлады.
«Әуежайдың барлық қызметтері 24/7 күшейтілген режимде жұмыс істеуде. Түсіністікпен қарауларыңызды сұраймыз», - деп хабарлады әуежайдың баспасөз қызметі.
Еске салайық, Алматыда кешкі уақытта жел күшейіп, шаңды дауыл тұрды. Салдарынан қалада шаң мен құмды көтерді. Дауылдың арты жаңбырға ұласты.
Сондай-ақ бұған дейін ауа райының қолайсыздығына байланысты Алматы әуежайында бірнеше күн қатарынан рейстердің кешіккенін хабарлағанбыз.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.