Алматы әуежайында рейстер кешігіп жатыр

АЛМАТЫ. KAZINFORM – Алматы әуежайында кешеден бері ауа райының қолайсыздығына байланысты бірқатар рейс кешігіп жатыр.

Алматы халықаралық әуежайы баспасөз қызметінің мәліметінше, жағдай тұрақталғаннан кейін әуе кемелеріне көктайғаққа қарсы кезекпен қызмет көрсетуді жандандырды.

Жұмысқа барлық арнайы техника мен күшейтілген ауысымдық жеке құрам жұмылдырылды.

«Бірінші кезекпен кешіктірілген рейстерге қызмет көрсетілгендіктен, ұшып келген ұшақтар тұрақ орындарының босағанын күтіп тұрды. Сондай-ақ, жұмысқа барлық жолаушылар баспалдақтары іске қосылған. Баспалдақтардың жетіспеушілігі туралы ақпарат шындыққа жанаспайды»,-деп хабарлады әуежайдың баспасөз қызметінен.