Алматы метросында пойыздар 3 минут сайын жүретін болды
22:23, 12 Ақпан 2025
АЛМАТЫ. KAZINFORM – Алматы метросында қарбалас сәтте жүретін электр пойыздардың саны көбейді.
Ресми мәліметке сәйкес, қосымша екі электр пойыз қосылуының арқасында таңертең және кешке жолаушыларға күту уақыты 3 минут 6 секундқа дейін азайды.
- Енді бір уақытта 13 құрам қозғалыста болады, бұл жолаушылардың жиналып қалуының алдын алуға және жол жүрудің жайлылығын арттыруға көмектеседі. Метрополитен мамандары жолаушылар легін үнемі бақылап, пойыз қозғалысының кестесіне қажетті жедел өзгеріс енгізіп отырады, - деп хабарлады «Алматы жолы» телеграм-арнасы.
Еске салайық, бұған дейін Алматы метрополитені қос функциялы жаңа қоршауларды сынақтан өткізіп жатқанын жазғанбыз.