Қазан айында фермерлер жүгері мен күрішті жинай бастайды.
Дәнді және бұршақты дақылдар 112 мың га, жүгері мен күріш тиісінше 50,4 мың және 6,7 мың га құрайды.
Жемшөп дақылдарының сегментінде айтарлықтай өсім байқалады: биылғы жылы 198,4 мың га, ал өткен жылы 190,2 мың га.
Алматы облысы Ауыл шаруашылығы басқармасының басшысы Қуандық Чункуновтың айтуынша, мал шаруашылығын дамыту және өңірдің азық-түлік тәуелсіздігін қамтамасыз ету мақсатында ағымдағы жылы жемшөп дақылдарына арналған егіс алқаптарын ұлғайтуға бағыт жасалды.
«Егін жинау науқанының табысты болуы фермерлердің күзгі-дала жұмыстарына дайындығының жоғары деңгейін, дизель отынын үздіксіз жеткізуді, астықты қабылдау, сақтау және кептіру бойынша заманауи кәсіпорындардың болуын қамтамасыз етеді», - деп атап өтті Қуандық Чункунов.
Өңірде қолайлы тәсіл мен озық технологияларды қолдану Алматы облысына мол өнім жинауға және елдің азық-түлік қауіпсіздігіне елеулі үлес қосуға мүмкіндік беретініне сенімді.