Алматы облысында ерлі-зайыпты зейнеткерді өлтіруі мүмкін күдікті іздестіріліп жатыр

ҚОНАЕВ. KAZINFORM - Бұл туралы Алматы облысының полиция департаменті хабарлады.

Құқық қорғау органдарының мәліметінше, Талғар ауданында тұратын егде жастағы ерлі-зайыптының өліміне байланысты қылмыстық іс қозғалды.

- Күдіктінің кім екені анықталды. Оны ұстауға бағытталған жедел-іздестіру шаралары кешені жүргізіліп жатыр. Іске байланысты тәжірибелі мамандары бар арнайы жедел-тергеу тобы құрылды, - деп хабарлады департаменттен.

Күдікті туралы мәлімет пен оның суреті әлеуметтік желілерде жарияланды.

Еске салайық, бұған дейін Үш жыл бұрын адам өлтірген күдікті Алматыда ұсталғанын жазғанбыз.