Алматы облысында каналды су шайып, төрт үй су астында қалды
ҚОНАЕВ. KAZINFORM — Еңбекшіқазақ ауданы, Бәйтерек ауылдық округіне қарасты саяжайда Талгарирригация Р9 бетонды каналын су шайып кетті.
Фото: Еңбекшіқазақ ауданы әкімдігінің Instagram парақшасы
«Салдарынан суармалы су Құлжа тас жолына жақын орналасқан 4 үйге кірді. Еңбекшіқазақ ауданының әкімі Талғат Байеділов саяжайдағы барлық үйлерді аралап шықты»,- деп хабаралады әкімдіктен.
Фото: Еңбекшіқазақ ауданы әкімдігінің Instagram парақшасы
Жұмысты күшейту мақсатында каналды қалпына келтіру және жөндеу жұмыстары жүргізілді.
Қазір суармалы су толық жойылды.
Бұған дейін Талғар өзенінің деңгейі көтеріліп, оның сол жағалауында орналасқан балама жолды су шайып кеткен болатын.
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.