Спикердің сөзінше, Алматы облысында су басу қаупі бар 27 елді мекен бар. Оның 7-еуінде қауіп толығымен жойылып, 20 нысанда қауіп төмендетілді.
«Аймақтағы елді мекендерден 3 мыңнан астам текше метр қар шығарылды. 154,8 шақырым арық желілері, 48,2 шақырым канал, 87 бірлік автожол және 7 бірлік темір жол астындағы су өткізу және 27,2 шақырым су бұру каналдары қазылды», - деді Дәурен Азаматов.
Сонымен қатар ол Еңбекшіқазақ, Талғар, Кеген және Қарасай аудандарының 12 елді мекенінде жергілікті және республикалық маңызы бар жолдардағы 88 су өткізу құбыры ауыстырылып, 435 шақырым арық-канал жүйесі қайта жаңартылғанын атап өтті.