Алматы облысының Сыбайлас жемқорлыққа қарсы қызметі «Жасыл ел» бағдарламасы бойынша жұмысқа орналасқан 1 200 адамға жалпы сомасы 150 млн теңге жалақыны алуға көмектесті, деп хабарлайды Kazinform.
Сыбайлас жемқорлыққа қарсы іс-қимыл агенттігі департаментінің баспасөз қызметінің хабарлауынша, бұл мәселені өңірдің жемқорлыққа қарсы волонтерлері анықтаған.
«Аталған бағдарлама оқушы, студент және жұмыссыз жастарды маусымдық жұмысқа орналастыруды көздеп, осы жылдың 20 тамызы мен қарашасы аралығында жүзеге асырылды. Алайда, жоба аясында еңбек еткен тұрғындарға жалақы төленбеген. Бұл ретте департамент тиісті шараларды қабылдап, нәтижесінде 1 200 адамның жалақысы толығымен төленді», - деп хабарлады ведомстводан.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.