АСТАНА. KAZINFORM — Алматы облысындағы Іле орманшылығында 5 қыркүйекте тіркелген орман өрті 7 қыркүйек сағат 17:48–де толық сөндірілді.
Өртті сөндіру жұмыстарына орман шаруашылығы мекемесі мен Алматы облысы төтенше жағдайлар департаментінен 59 адам және 17 техника жұмылдырылды.
Сонымен қатар «Қазавиаорманқорғау» РМҚК қызметкерлері мен су төгу құрылғысымен жабдықталған бір тікұшақ тартылды.
Дер кезінде қабылданған шешімдер мен құтқарушылардың үйлесімді жұмысының арқасында өрттің одан әрі таралуына жол берілмей, толығымен сөндірілді.
Еске салайық, бұған дейін ШҚО-да 20 гектарға жайылған орман өрті оқшауланғанын хабарлағанбыз.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.