АЛМАТЫ. KAZINFORM – Алматы қаласы Алмалы ауданының прокуратурасы қызметкерлерді міндетті сақтандыру шартын жасасу кезінде «Алматыэлектротранс» ЖШС-да мемлекеттік сатып алу туралы заңды бұзу фактісін анықтады.
Алматы қаласы прокуратурасының мәліметінше, бұзушылық қызметкерлерді міндетті сақтандыру шартын электрондық мемлекеттік сатып алу порталын айналып өту арқылы және қағаз түрінде заңсыз жасалғанынан белгілі болды.
Прокуратураның қолданған шаралары нәтижесінде міндетті сақтандыру шарты сот тәртібімен бұзылды. 250 млн теңге бюджет қаражаты мемлекет кірісіне өтеліп, кінәлі тұлғалар әкімшілік жауапқа тартылды.
Эльмира Оралбаева
Абай атындағы қазақ ұлттық педагогикалық университетінің түлегі. 2023 жылдан бастап Kazinform халықаралық ақпарат агенттігінде шығарушы редактор қызметін атқарып келеді.