Алматыда 4 жастағы қыз 15-қабаттан құлап, мерт болды

АЛМАТЫ. KAZINFORM –  Алматыда 4 жастағы қыз бала көпқабатты үйдің 15 қабатындағы терезеден құлап, қайтыс болды.

ТЖМ баспасөз қызметінің мәліметінше, қайғылы жағдай бүгін Алматы қаласының Алатау ауданында болды. Алматы қалалық Полиция департаменті сотқа дейінгі тергеу амалдарын бастады.

«Аталған дерек бойынша Алатау аудандық Полиция басқармасы сотқа дейінгі тергеу амалдарын бастады. Тиісті сараптамалар тағайындалды», - деп атап Алматы ПД ресми өкілі Салтанат Әзірбек.

Осыған дейін, 27 шілде күні «Арай» тұрғын үй кешенінде орналасқан көпқабатты үйдің терезесінен 3 жасар баланың құлап, мерт болғаны туралы жазған едік.