Спикердің сөзінше, полиция қызметкерлері 25 мыңнан астам вейпті тәркіледі.
–– Вейптерді заңсыз әкеліп және өндіргендер үшін 2 мың АЕК-ке дейін айыппұл, түзеу жұмыстары немесе 2 жылға дейін бас бостандығын шектеу жазасы қарастырылған. Егер қылмыстық топ әрекет етсе немесе аса ірі табыс тапқан жағдайда, жаза 5 жылға дейін бас бостандығынан айыру және 5 мың АЕК (18,46 млн теңге) мөлшерінде айыппұл салу түрінде қолданылады, - деді Салтанат Әзірбек.
Сонымен қатар ол 2024 жылы Алматыда қоғамдық орындарда кальян шеккені үшін 5 514 адам әкімшілік жауапкершілікке тартылғанын атап өтті.
–– Заңның орындалуына бақылау күшейтілетін болады. Азаматтарды белгіленген ережелерді сақтауға шақырамыз, себебі бұл – өз денсаулығыңыз бен айналаңыздағы адамдардың қауіпсіздігі үшін маңызды, - деді полиция өкілі.
Осыған дейін Алматыдағы сауда үйлерінің бірінен 5 мың вейп тәркіленген болатын.
Сондай-ақ онколог-дәрігер вейп пен электронды темекі қатерлі істік тудыруы мүмкін екенін айтқан еді.