Алматыда 8 наурыз мерекесі қалай тойланады

АЛМАТЫ. KAZINFORM — Алматыда Халықаралық әйелдер күніне орай концерт, көрме, театр қойылымдары және басқа да іс-шаралар өтеді.

6 наурыз күні Ахмет Байтұрсынұлы музей-үйінде «Алаш арыстары жұбайлары» атты танымдық дәріс өтеді. Іс-шараға Алаш арыстары ұрпақтары Айман Байсалова, Меруерт Бәкібайқызы, Жанар Сүлейманова, Жазира Арғын және зерттеуші ғалым қыздар Светлана Смағұлова, Бекзада Қожекеева, Гүлжаһан Орда, музей қызметкерлері, ЖОО студенттері, қала тұрғындары мен қонақтары қатысады.

Сонымен қатар 6 наурызда Алматы музейінде «Дәстүр. Өнер. Әдемілік» атты көрме ашылады. Мұнда музей қорындағы дәстүрлі бас киімдер коллекциясы мен суретші Гүлнәр Табанованың жұмыстары қойылады.

7 наурыз күні сағат 18:30–да «Алатау» дәстүрлі өнер театрында «Анаға тағзым» атты мерекелік концерт өтеді. Сахнада белгілі өнерпаздар Әсет Есжан, Шаттық Уатқан, Нұрболат Ұзақбай, Диас Мұратхан, Тілек Базаров және Нариман Әбдірахман өнер көрсетеді.

8 наурызда бірқатар мерекелік іс-шара өтеді:

— Сағат 17:00–де Ықылас атындағы халық музыкалық аспаптар музейінде «Иірім» тобының «Әлемнің сыйы — әйелге» атты концерті өтеді.

— Қуыршақ театры «Мама для Мамонтенка» спектаклін қазақ тілінде сағат 14:00–де, орыс тілінде сағат 12:00–де сахналайды.

— Сағат 19:00–де «Артишок» театрында «Самрұқ» би труппасы «Ауыл» қойылымын сахналайды. Іс-шара заманауи хореография фестивалі аясында өтеді.

Сондай-ақ 7 және 8 наурызда Алматы халықаралық әуежайында Алматы қаласының тарихы музейі қорындағы дәстүрлі зергерлік бұйымдардың көшпелі көрмесі ұйымдастырылады.

Қаланың әртүрлі аудандарында да мерекелік іс-шаралар өтеді:

— 6 наурыз күні 11:00–де Наурызбай ауданында Инновациялық шығармашылық орталығында «Халықаралық әйелдер күні» атты концерттік бағдарлама өтеді;

— Алатау ауданында 6 наурызда сағат 15:00–де Инновациялық шығармашылық орталығында концерт өтеді;

— Түрксіб ауданында 6 наурыз күні сағат 16:00–де Оқушылар үйінде мерекелік концерт өтеді;

— Медеу ауданында 7 наурыз күні сағат 11:00–де Жамбыл атындағы филармонияда мерекелік концерт өтеді;

— Жетісу ауданында 7 наурызда сағат 12:00–де мәдениет үйінде мерекелік концерт өтеді.

Еске салайық, бұған дейін елордада 8 наурыз мерекесіне орай қандай іс-шаралар өтетінін жазғанбыз.