АЛМАТЫ. KAZINFORM - Алматыда белгісіз біреулер халық көп жиналатын Арбатқа көз ашытатын өткір иісті бұрышты баллонды шашып жіберген.
Бұл туралы ақпарат Telegram-арналардың бірінде пайда болды.
Бейнежазбадан адамдардың тұншығып, жөтеліп жатқанын көруге болады.
Қалалық Полиция департаменті аталған факті бойынша тергеу жүргізіліп жатқанын хабарлады.
«Қоғамдық орында бұрыш баллонды шашқан бұзақының кім екені анықталып жатыр. Ол міндетті түрде жауапқа тартылады», - деп хабарлады қалалық Полиция департаментінің баспасөз қызметі.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.