Алматыда «Damubala» бағдарламасына қызмет көрсетушілерге қайта іріктеу басталады
АЛМАТЫ. KAZINFORM – Алматыда ата-аналар балаларға үйірмелер мен спорт секцияларына тегін қатысуға мүмкіндік беретін Damubala бағдарламасы бойынша қызмет көрсетушілерді қайта таңдай алады.
Алматы әкімдігінен мәлім еткендей, осы жылдың 30 сәуірінде таңғы сағат 10:00-ден бастап қызмет көрсетушілерді қайта таңдау басталады. Ваучерлері бар балалардың ата-аналары немесе заңды өкілдері жеткізушінің алдыңғы таңдауын Damubala.kz. сайтында растауы тиіс.
Егер жеткізуші бағдарламадан шыққан болса, жаңасын таңдаңыз. Ваучер күшін сақтайды және ата-аналар басқа жеткізушіні, соның ішінде шығармашылық пен спортты таңдауға құқылы.
Әкімдіктен атап өткендей, былтыр ата-аналардың өтініштері бойынша қаланың Қоғамдық кеңесінің сарапшылары мен мүшелері мониторинг жүргізді, оның қорытындысы бойынша балаларға сапасыз қызмет көрсету жағдайлары анықталды.
Балалардың денсаулығы мен қауіпсіздігіне қауіп төндіретін фактілердің қатарына мыналар кірді: Үй-жайлар мен бассейндерге санитарлық-эпидемиологиялық қорытындылардың болмауы, біліктілігі расталмаған жаттықтырушылармен жұмыс, медициналық анықтамалардың және ең аз қажетті материалдық-техникалық базаның болмауы.
– Мұндай жағдайлардың қайталануын болдырмау мақсатында 2025 жылғы қаңтарда жаңа өтінімдерді қабылдау аяқталғаннан кейін ISO EV шеңберінде аккредиттелген халықаралық ұйымның қатысуымен тәуелсіз аудит жүргізілді. Аудит ваучерлерді транспарентті бөлуге, процестердің ашықтығын және жеткізушілердің жауапкершілігін арттыруға бағытталған қабылданатын шаралардың жалғасы болды, – деп атап өтті әкімдіктен.
Аудит нәтижелері мен оның іске асырылу барысы қала әкімдігінің және Алматы қаласы бойынша Сыбайлас жемқорлыққа қарсы қызмет департаментінің қатаң бақылауында.
– Тексеру қорытындысы бойынша қызметтердің сапасы мен қауіпсіздігі бірыңғай талаптарға сәйкес келмейтін өнім берушілер бағдарламаға қатысудан шеттетілді. Аталған бұзушылықтар бойынша олармен оферта шарттарын бұзу туралы шешім қабылданды, – делінген хабарламада.
Алматы әкімдігі ресми ақпаратқа ғана назар аударуға шақырады. Барлық шешімдер қолданыстағы заңнама аясында қабылданады, басымдық – балалардың денсаулығы мен қауіпсіздігі.
Барлық қажетті ақпаратты адал қызмет көрсетушілер мен балалардың ата аналары Damubala.kz. сайтынан ала алады.
Еске салайық, 2025 жылдан бастап Алматыда «Damubala» бағдарламасының механизміне кейбір өзгерістер енгізілді. Атап айтқанда, мемлекеттік шығармашылық және спорттық тапсырыстарды орналастыру және қаржыландыру функциялары Алматы қаласының аудандық әкімдіктеріне тапсырылды. Әрбір спорт және мәдениет бағыттары бойынша мемлекеттік тапсырыстарды жүзеге асыру үшін Алматы қаласының 8 аудандық әкімдігіне есептік жазбалар құрылды.
Алматы мәслихаты 2025 жылға арналған шығармашылық үйірмелер мен спорттық секцияларды қаржыландыруға 15,1 млрд теңге бөлді.