Алматыда 21-22 қазан күндері сағат 8.00-ден 17.00-ге дейін мегаполиске іргелес жатқан аудандардан 65 шаруа қожалығының қатысуымен кеңейтілген ауыл шаруашылығы жәрмеңкесі өтеді, деп хабаарлайды Kazinform.
Алматы әкімдігінің мәліметінше, жәрмеңкеде 40-тан астам өнім (ет, сүт, жеміс-көкөніс, шұжық өнімдері, өсімдік және жануар майы және т.б.) ұсынылады.
«Өнімнің жалпы көлемі – 200 тонна, оның ішінде ет – 35 тонна, жеміс, көкөніс – 120 тонна, сүт – 15 тонна, балық – 5 тонна, өзгелері - 25 тонна», - деп хабарлады әкімдіктің баспасөз қызметі.
Жәрмеңке Шевченко көшесі бойында (Қонаев көшесімен қиылысатын тұстан бастап, Пушкин көшесімен қиылысатын тұсқа дейінгі аралық), «Шоқан Уәлиханов» алаңында өтеді.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.