АСТАНА. KAZINFORM - Құрлықтық бәсеке 3-6 шілде күндері «Балуан Шолақ» спорт кешенінде өтеді деп белгіленген.
Жасөспірімдер мен жастар арасында жарыс Бекет Махмұтовты еске алуға арналады. Оған Қазақстан, Әзербайжан, Қырғызстан, Тәжікстан, Өзбекстан, Ливан, Моңғолия, Халықаралық дзюдо федерациясының құрамасы және АҚШ елдерінен 700-ге жуық татами шебері қатысады деп жоспарланған.
Сондай-ақ Азия кубогы аясында төрешілер мен жаттықтырушыларға арналған халықаралық семинар өтеді. Семинарға Польша, Мысыр, Оңтүстік Корея, Қырғызстан, Үндістан, Иран, Нидерланд, Жапония және Сауд Арабиясынан 80 төреші қатысады.
Құрлықтық бәсекеде 3-4 шілде күндері жасөспірімдер сынға түссе, 5-6 шілдеде жастар жүлделерді сарапқа салады.
Еске салсақ, бұдан бұрын Қазақстан құрамасы дзюдодан әлем чемпионатын бір медальмен аяқтады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.