Бір айға созылған фестивальде қатысушылар вокал, хореография, мобилография, аспаптық орындау, театр бағыттары бойынша бақ сынаған. Жалпы жобаға 2,5 мыңнан астам студент қатысты.
- «Jas Gala» фестивалі Алматы қаласында үшінші рет ұйымдастырылып отыр. Оған қаладағы барлық ЖОО-лар мен колледждердің студенттері қатысты. Нақты айтқанда, 30 ЖОО және 23 колледжден 529 өтінім келіп түсті. Фестивальдің жүлде қоры – 7 500 000 теңгені құрады. Фестивальге қатысу үшін алдымен университет және колледж ішінде іріктеу болды. Оның жеңімпаздары қалалық жарысқа қатысты”, - деді Алматы студенттер алянсының басшысы Жасұлан Қуандық.